Guwahati, Sep 11: Batanggimin somoirango IIT Guwahati-o poraienggipa chatro chatrirangni janggitangko so•ote sianirangko bang•en nikna man•aha, indake ong•engani gisepo, chatro chatrirangni gisepo ding•chaoanirang aro jajrenganirangko nakatatskaaha.
Indake campus ning•o iandake a•sel ong•anirangna chatro chatrirangni gisiko jajrenganirangko ma•sichaka aro uamangni naljokanikon skanggipa ong•e donenga aro sakantikon naljoke rakkina jotton ka•enga ine Institute-ni authority-rang parakataha.
Indake gitcham Dean-ni kamtangko watangani ja•man ia Institute-o gital ong•e jako ra•e kam ka•enggipa Director, ia ong•a obostarangni gimin chatro chatri sakanti baksa agangrikaniko dakangaha, aro uamangni neng•nikaniko man•enggipa obostarangko namdapatna aro campus-ni pilak chatro chatrirangna naljokaniko on•a ku•rachakangaha.
Mikkangchi iandakgipa a•selrang ong•jana gita aro uandakgipa a•selrangko chel•chaksona man•a gita adita dakna nanggni kamrangko ra•gatangaha, jekai, sakantini naljokanina dakchakaniko on•a counsellor-rangko ra•dapani, chatro chatrirang an•tang ripengskarang baksa pilak nangnikanirangko agana man•a ba dakchakaniko ra•na man•a gita dolrangko toktok dake bikote on•ani, campus-ni naljokanina support system-ko bilakbatatani, chatro chatrirangni gisiko ka•dongagri ong•aniko komiatna aro nangani somoio dakchakaniko am•china didianiko on•ani aro pilak nangarangko kratchaa gri parake agangrikani cholrang ong•achim.
Ia cholrangko campus ning•o ong•gipa pilakan ra•china aro dakchakaniko bi•china maina sakantini naljokanian uamangni dal•batgipa miksongani ong•a ine authority-rang aganaha.
IIT Guwahati Institute-ni gita, a•selo ga•akgipa nokdangni manderangna kalimpaaniko parakataha.
Indake, chatro chatrirangni nangnikanirangko ma•sichakgrike, poraia skie ra•aniko gamchatnike skie ra•angkuna aro campus ning•o tom•tomaniko ra•bana jotton ka•na. Uni gimin jingjengatenganirangko dontonge an•tangtangni classroom-rangchina napangtainaha ine mol•molatan baksa, skia poraianio gisikko on•achi aro je u•i ma•sie ra•giminko dondime kam ka•anichi nambatgipa skie ra•aniko dakna man•gen ineba uamang aganaha.
Na·simang ia video-koba nina man·gen:
Na·simang iakoba poraina man·gen: Assam-ni detention centre-o Myanmar refugee-rangko donchipani gimin okgimu chake jingjengataniko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
