Guwahati, March 24: IIT Guwahati-o poraienggipa chatro Tauseef Ali Farooqi-ko, bang•a section-ni ning•o u/s 120(B)/121(S)/123 IPC R/w Sec 10 /13 UA(P) act ba niamo pangchake rim•aha. Uko da•alo kachariona rimangaha aro indake uko sal 10-na pattok ning•o donchina raiko on•ataha. Police dolrang adita sing•sandianirangko dakengkua.
Mijal salni bako, Farooqi-ko social media-o bobil dol ba ISIS dolo napaha ine parakate jingjengataniko ra•bae IIT Guwahati-ni campus-oni gimaa jaman uko rim•na gita man•aha.
Tauseef Ali Farooqi, bobil dolo napa jaman, ua maini gimin ia dolo napahachim uni gimin LinkedIn ingipa social mediao see parakataha.
Police dolni aganani gitade, sandirikite nianiko dakna gita ge•etaniko man•e sandirikitaniko dakataha, indake, Kamrup district-ni Hajo minggipa biaponiko Farooqi-ko rim•na gita man•aha, ua New Delhi-ni ningo ong•gipa Okhla-ni Zakirnagar minggipa biaponi ong•achim.
ISIS-ni chief Haris Farooqi, jean 2019 bilsioni adita jingjengatani kamrangko ka•engachim, uko aro unbaksa ja•riktimgipa Panipat-oni, Anurag Singh jekon Rehan ineba u•itokachim uamang sakgnikon budbar salo Assam police-rang rim•aha. Rehan toromtangko watgalenba Muslim toromo napaha aro uni jikgipa Bangladesh a•songoni ong•achim. Farooqi-ko Bangladesh-o dongnue dongenga aro India a•songni chadamberang jekon altuae namgija kamna ropna gita man•achim uamangko ropani kamrangkoba ka•enga ine chanchipengachim.
Farooqi ian bang•a biaprang jekai Jharkhand, Delhi, Uttar Pradesh, Madhya Pradesh, Goa, Punjab, Maharashtra aro Karnataka-rango bobil dolrangko tange rakkianio mongsonggipa ong•engachim. Farooqi jean Uttar Pradesh-ni Aligarh minggipa biaponi ong•achim, ua National Investigation Agency (NIA)-ni dos dakgiparangko sandienggiparangoni saksa mongsonggipaba ong•achim.
Na·simang iakoba poraina man·gen: Assam-o manderang Holi-na koros ka·chichatoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
