Shillong, March 16: Independent Inquiry Committee, Saubhagya schemeni ning•o bijolini kamko ka•enggipani tik ong•jaenganiko sandirokatna sienga aro Meghalaya Energy Corporation Limited (MeECL) uamangni kam ka•anirangni reportko March 31 tariko on•anggnok in⋅e Dakchakgipa Skotong Minister Prestone Tynsong Assembly-o aganaha.
Opposition dolni dilgipa Dr. Mukul Sangmani sing•anina “Iako sandirokna Inquiry committee March 31 tarikna skangan on•na gita tarisamsoengjok ine Tynsong aganaha.
Ia committeena Justice RN Mishra retired High court judgeko Chairman-na, retired IAS officer Manoj Kumarko Administrative memberna aro retired REC executive directorko Sunil Kumarko Technical memberna seokangaha.
