Shillong, May 26: India aro France a·songni changsnigipa Joint Military Exercise ‘SHAKTI’-ko Robibar salo, Umroi Cantonment-o matchotataha.
Ia Joint Military Exercise-ko ong·atanio India-ona France a•songni Ambassador Thierry Mathou aro dingtang dingtang army official-rangba bak ra·angtokaha.
Ia bilsigniprako ong·atronggipa Exercise SHAKTI-ko India aro France a·songrango sualgrike ong·atronga aro ia exercise-ko India aro France army-rangni gisepo nangrime warachakaniko bilakbatatna ong·ataha.
Ia sal 14-na ong·atanggipa Joint Military Exercise-o a·song damgnionin dal·dalgipa officer-rang bak ra·angtokaha aro ia exercise-ko matchotatani somoio France Army-ni commandant in-charge V Seiler aro Indian army-ni official Sandeep Jaiswal-ba bak ra·angaha.
Ia Exercise SHAKTI-o Indian Army-ni ning·o donggipa RAJPUT Regiment-oni sak 90 sipairang bakko ra·angaha aro ia exercise-o Indian Navy aro Indian Air Force-ni official-rangba bakko ra·angaha.
Ia Joint Exercise-o France a·songoni 13-gipa Foreign Legion Half-Brigade (13th DBLE)-ni sak 90 sipairang bak ra·angskaaha.
Ia Exercise SHAKTI-ko ong·atani miksonganiara a·song damgnini sipairangko, nangrime warachakanio bilakbatatanian ong·a aro ia exercise-o a·song damgnini sipairangna, a·briarigipa biaprango training-rangko on·angaha.
Na·simang ia video-koba nina man·gen:
Na·simang iakoba poraina man·gen: Tura Araimile-o jabol chimonggipa mandeko scooty bolsa salpaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
