Jaipur, Feb 8: Indian Army aro Royal Saudi Land Force sipairangni nangrime Mahajan Field Firing Ranges-o military exercise ka·ani kamrang ra·chakna man·gipa bewalo chu·soke matchotaha.
Sal 12na apsan nangrime, January 29 tarikoni February 9 tarikona military exercise ka·ania United Nations-ni dongimin niamko chu·sokatani ong·a. Unbaksana, dolsa dolgipinni kam ka·anirangko u·igrikna miksonganio ia joint military exerciseko ong·ataha. Iano Indiani Brigade of Guards Regiment-ni 20gipa battalion aro Royal Saudi Land Forceni sak 25 sipairang rokomari dakgrikani aro kam ka·ani bewalrangko mesokgrikaha.
Dolgni nangrime exercise ka·aniko bak 2 dake donaha. Skanggipa bako dakgrikani aro ma·manti cholrangko bikotani bidingo ong·aha. Gnigipao, be·enko ranta ka·ani aro niam gita songgigrikani kamrangko ka·e matchotatani ong·aha. Ia nangrime exercise ka·ania a·song damgnini gisepo sipai dolni gita u·i-ma·sianirangko sual-antigrikan baksa nangrimanio bilakaniko ra·badapgen.
A·song damgni sipairangni nangrime military exercise ka·aniko matchotatna tom·bimonganiko February 9 tariko ong·atan baksa nambate dakgipa sipairangko biming mingatgen. Dolgni bak ra·e kam ka·mitingo sipairangni kamrangna agreba uamang cricket, basketball, volleyball aro gipin kal·anirangkoba kal·rimaha.
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
