Assam, Feb 8: Bristibar salo, Assam a•dokni sima ario ga•akenggipa Dhubri a•jani ning•o donggipa, Mantrichar, Saitanbari, Thaigramvita, Kalaichar Bari, Chowkichar, Hatichar, Salapara, Mahanayachar songrango songdongenggipa manderangna, 49 BN BSF dolrang, Civic Action Programme aro Medical Camp-ko, Mantrichar songo ong•atangaha.
Ia programme-o, sima ario donggipa songni nokma, songni manderang, skulo skigiparang aro skulo poraienggipa chatro chatrirang, gimik gimang sak 315 mangni gita bakko ra•aha.
Ia programme-o, Gym-o jakkalenggipa bosturangko, kal•susaanio jakkalenggipa bosturangko, solar light-rangko aro asongchakanirangko, sima ario donggipa dingtang dingtang songni manderangna suale on•ataha.
Una agreba, Medical Camp-ni ning•o, Dhubri-ni DMCH-ni BSF aro Civil Doctor-rang, saani biatirangko indin porikka ra•e nianiko dakan baksa samrangkoba songni manderangna suale on•angaha.
Indake, BSF dolrang Indo-Bangladesh International sima ariko on•kange chelchaksogiparangsan ong•aija indiba songdongenggipa manderangna medical-ni gita dakchakanikoba on•enga. Sima ario songdongenggipa manderangni nangnikanirangko ma•sichakenba iandakgipa program-rangko ong•atrongenga inenba 49 BN BSF-ni Commandant Sh Jeetendra Gupta aganaha.
Ia programme-ko ong•atanina, songni manderang, BSF dolrangko mitelpilskaaniko dakangskaha.
Iakoba poraie nina man·gen: EGH-o dingtang dingtang project-rangko Conrad a•bachengate on•a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
