Shillong, Oct 1: Sombar salo, Bhutan Thimphu-ni Changlimithang Stadium-o South Asia Football Federation (SAFF)-ni Under-17 Football Tournament-ko ong•atanio, India aro Bangladesh-ni gisepo final kal•susaanio, India-ni dol Bangladesh-ni kosako cheaniko man•taiaha.
Kal•susaani skanggipa bako, dolgnian bilsubee kal•susagrikanirangko dakangaha, jeon India-ni dolrang robolko ra•e kalna man•genchimoba, Bangladesh-ni dolrang “park the bus” budi-ko jakkalenba uamangna robol chipna gita cholrangko on•jaha, jeni a•selan dolgnian goal 1-koba chipna man•jaenba apsangrik ong•aniko pe•na gita man•jaenba, kal•ani 2-gipa bakni bijangchigipaona sokaiaha.
Indake ong•engon, India-ni Mohammad Kaif, 58-gipa minute-o goal 1-ko chipe goal-rangko 1-0 ong•atna gita dakchakaha aro Bangladesh-ni goal-rangko chipna jotton ka•anirangko, India-ni goalkeeper Aheibam Suraj Singh champenganiko dakangskaaha.
68-gipa minute-o, Meghalaya-ni Manbhakupur Malngiang, Ahongshangbam Samson-ni palo kal•aniko dakangskaaha.
Kal•susaani somoirang bon•a sion dolgnini gisepo jajrenganirang ong•engon, 95-gipa minute-o India-ni Mohammad Arbash, goal 1-ko chipatenba India-na cheani mukutko a•kangataha.
Bangladesh-ni aiao inmanpilgipa robol champengna changani a•sel India-ni dolrang chaktogijaniko man•engon, India dolni chakchikna man•ani aro kal•na sapani uamangna chu•sokaniko man•a dakchakaha.
Bon•kamgipa whistle-ko sikaton, India-ni dol uamangni neng•bee chetaigipa South Asia championship-ni title-ko man•enba kusi ong•e trophy-ko de•angaha.
SAFF U17 Championship 2024-ni final-ona sokdogipa a•songrangara – India aro Bangladesh ong•a.
SAFF U17 Championship 2024-o India-ni goalkeeper ba robol champenggiparangara : Aheibam Suraj Singh, Nandan Roy aro Rohit.
India-ni Defender ba warachake kal•gipa dolrangara : Brahmacharimayum Sumit Sharma, Chingtham Renin Singh, Jodric Abranches, Karish Soram, Mohammad Kaif, Usham Thoungamba Singh aro Yaiphraremba Chingakham ong•a.
India-ni Midfielder ba jatchio donge kal•giparangara : Abdul Salha Sheergojri, Ahongshangbam Samson, Banlamkupar Rynjah, Kh Azlaan Khan, Levis Zangminlun, Mahmad Sami, Manbhakupar Malngiang, Md Arbash, Ngamgouhou Mate, Ningthoukhongjam Rishi Singh aro Vishal Yadav ong•a.
Mikkango donge kal•giparangara : Bharat Lairenjam aro Hemneichung Lunkim ong•a.
Ia kal•susaaniko ong•atanio, India-ni Md Arbash, Player of the Tournament aro Aheibam Suraj Singh, Goalkeeper of the Tournament ine bimung donako man•aha.
Na·simang ia video-koba nina man·gen:
Na·simang iakoba poraina man·gen: Cr lak 1.2-ko M’laya, 16th Finance Commission-oniko bi•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
