Shillong, Dec 1: Shillong songjinmani State Central Library-o salgnina ong•atenggipa India-ni Gaming Festival ‘Odyssey’-ni skanggipa bakko Sukrobar salo a•bachengataha.

Ia Gaming Festival-ko Mutation e-Sports baksana Meghalaya sorkari nangrime ong•atenga aro ia gaming festival-o a•songni aro a•gilsakni gipin bakrangoniba e-Sports-ko kal•giparang bakko ra•enga.

Ia gaming festival-ko Meghalaya a•dokni Tourism Minister Paul Lyngdoh a•bachengate on•angaha aro iana skang, ia gaming festival-ko ong•atenggipa dolrangna gong lak brini cheque-ko pakwate on•angaha.

Ia gaming festival-o a•song dambri, chong•motan Malaysia, Philippines, India aro Singapore a•songrang bakko ra•enga, jeon ia a•song dambrini manderang, dolprako sakbonga ka•e, gimik dolchet, US Dollar 50,000 tangkarangna, ‘Call of Duty: Mobile’ kal•anio susaenga.

Iakoba poraie nina man·gen: Gymnastic sapgipa Nongstoin-ni chadambeko MGA okamata