Guwahati, August 13: India a•songo nambatgipa college-rangni gimin janapengon, namnamgipa college-rangni bimungrangko jekai Hindu, St Stephens, Miranda aro Presidency-ni bimungrang gisiko nabaa.
Uandake an•ching Salgro Salaram joloba ge•sa nambegipa skie ra•chakram biap chong•motan Aizawl-ni Pachhunga University College dongachim aro iako bang•an India-o nambatsranggipa college-rangoni 35-gipa gadango ong•enga ine u•itokjachim. Iani gimin sombar salo a•songni pilak university-rang aro college-rangna 2024 bilsini National Institutional Rankings Framework (NIRF)-o parakataha. Ia college, 2022 bilsio 45-gipa gadango aro 2023 bilsio 34-gipa gadango ong•achim.
Ia college campus-ni apalani 760 acres mangni gita ong•an baksana bilsi 60-na nirok simsake dongipa tangsekgilgilgipa samtangtango donggipa sam bolrang poraianio chinapatna gita namen nambegipa poraichakani biapba ong•a. Ia college Aizawl-ni Salgipeng Salaram jolo ong•a, jeon Mizoram-ni a•paloni poraina re•bagiparang sak 27 baksana India-ni a•paloni sak 11 poraina re•bagiparang gnang.
Ia college-o 80 % mangni gita ramp ba ja•a korarangna wheelchair-o re•runa man•a gita tarigimin ramarang baksana 80%-na batpile be•enni gita nengnikani donggipa manderangna dingtangmancha tarigimin paikanarangba gnang. Ia college-ni motto-ara ” Learning & Service” ong•a, jean iano poraienggipa sakantikon lekka pora bida ra•anio aro mande jatna ka•sae dangdike on•aniko mesoke on•ani ba didiani ong•a. Ia college-o village adoption scheme-rangba gnang.
Ia Pachhunga University College (PUC) ian Mizoram Aizawl-ni public institute ge•sa ong•a jekon India-ni Act of Parliament-chi rikangaha. Ia college-ko 1958 bilsio Aijal college-ni bimungchi a•bachengataha, aro ian Mizoram-o gitchambatgipa aro dal•batgipa college-ba ong•achim. A•chengode ia college-o intermediate of arts-san dongaiachim jamano arts, commerce aro science degree-rangko a•bachengatangaha. Iani gisepon, Mizo, philosophy aro life science-rangko kuliangenba, ia college Mizoram-ni skanggipa post-graduate college ong•baaha.
1962 bilsio, saksa bading chiwalanio namen chusokgipa aro politician Pachhunga, ia college-ko chalaianio tangka paisani gita dakchakaniko on•ahani gimin uko mande ra•ani bak gita ia college-ko uni bimungchi mingna gita a•bachengataha. 1979 bilsio, a•doko ian ge•sa mangmang college ong•ani gimin North Eastern Hill University ia college-ko chu•gimik jako ra•angaha.
Na·simang ia video-koba nina man·gen:
Na·simang iakoba poraina man·gen: Meghalaya Legislative Assembly-o kam ka•enggipa daksani manggisiko office-ni desk-oniko nika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
