Shillong, May 4: Border Security Force (BSF), Rajasthan-ni Shri Ganganagar sambao donggipa India-Pakistan sima ari gita Pakistan-ni Ranger-ko India-ona napna jotton ka·mittingko rim·aha. Ia ong·a obosta pringni bako ong·enba, jolo gisik rake dongchina ge·ataniko on·ataha.
A·gipibatgipa chel·chakgipa official-ni u·iatani gitade, Pakistan-ni Ranger-ara chanchichipna kragipa bewalo sima ari git napbaaha. BSF dolrang, India-ona badepile re·angna skangan ta·rake ja·ku de·aniko dake uko dongdipataha. Rim·ani somoio ua maming silchidare rabita gri baksana jechakanikoba dakjaha. Adita sing·sandianirangko da·o uko dakengkua.
Uni bimung baksana ua maina sima ari gita napbaahachim da·o dipet u·ikujagenchim ong·oba, chel·chakgipa dolrang iako namen gisiko nange nianiko dakenga. Ua nichokkiani kamko ka·na ba ong·jaode India-ni chel·chakaniko porikka ka·e nianiko dakna re·baahakon ine uamang chanchichipenga.
Uko rim·a jaman, BSF dolrang Shri Ganganagar jolo mongsongbate walni somoio chel·chakgipa dolrangko bariataha. Sima ari gita napbana jotton ka·anirangko mikkangchi champengsona gita officer-rangko gisik rake dongchina gita ge·etanirangko on·ataha.
Rajasthan-ni sima ari-o, mongsongbate biaprang jekai Shri Ganganagar aro Bikaner-o pekatgipa bosturangko badingsrukani aro niamgri sima ari-ko ga·batbaani obostarangni ian bak ong·akon ine uamang chanchichipenga.
Na·simang ia video-koba nina man·gen:
Na·simang iakoba poraina man·gen: Tura Inter School and College Cricket Tournament-ni final-o Hawakhana Sec. School, Tura Govt College aro Don Bosco College chegipa ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
