Guwahati, May 5: Japan-ni House of Representatives-ni ku·wattimgipa Mr. Nukaga Fukushiro-ni dilanio, Japan a·songoni MP-rang, sorkarini official-rang aro bading chiwalaniko dakgipa dilgiparang Assam-ona sal 3-na re·baenga. Uamang semiconductor-rang, technology, tourism aro disaster management-rango bading chiwalani cholrangko am·na miksongenga.
Uamangni re·baani somoio, IIT-Guwahati-ni cleanroom aro gital TATA OSAT plant-ona uamang re·ange nianiko dakangan baksana, Assam-ni Governor, Skotong Minister Dr. Himanta Biswa Sarma aro Speaker-koba grongjolanggen.
Dr. Sarma, Lok Sewa Bhawan-ko rimchaksoenba, ia songrebaaniara Assam-ni Advantage 2.0 Plan-ni bak ong·a ineba janapataha. Ua Assam a·dokni tang·dororobaani baksana adita salrangna skang uni Japan a·songona songreangani bidingo aganangaha, jeon ua Japan a·songo Assam-ni chadamberangna mongsongbate sana bananio janggi tangani cholrang baksana bilsi re·anggimin manderangna simsakani bidingo agananiko dakangaha.
Iana agreba, manderangna Japan ku·sikko skie ra·na dakchakaniko on·an baksana nambata kamrangko man·a gita ua gital Japanese Language aro Testing Centre-rangko Amingaon-o gital kulina am·anu bidingo parakataha. Ia songrebaaniara Prime Minister Narendra Modi-ni chakpaanichi India aro Japan baksa bilakbegipa meli nangrimaniko mesoka ine Dr. Sarma u·iatangaha.
Chief Secretary, Dr. Rabi Kota, Assam a·dokni biaprango bil gnangani bidingo Minister Nandita Gorlosa aro India-o Japan-ni Ambassador, Keiichi Ono-ni dongpaanio presentation-rangko on·angaha.
Iano chanchirimani mongsonggipa katta bichongara uan bilsini bidingo ong·achim, maina Assam-o chadamberangni population-ara 22.7 aro Japan-ni average bilsiara 49.5 ga·akskaa. Uni gimin Assam a·dokara chadamberangna changa sapanirang jekai ku·aganani, sana banani aro technolgy-ko skie on·a gita Japan a·songna nambegipa biap ong·enga.
Na·simang ia video-koba nina man·gen:
Na·simang iakoba poraina man·gen: Manipur-o silchidarechi salam ka·anina police-rang FIR ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
