Guwahati, Apr 8: India a•songni pilak biaprangon Non Communicable Disease (NCD) ba saksa sakgipinona batrikrikna man•gijagipa sabisirang tang•doenga ine World Health Day 2024-ni salo health report-o parakaha.
Ia report-o parakani gitade, India a•songo songdongenggipa sakgittamoni sakprakde pre-diabetic, sakgittamoni sakprakde pre-hypertensive aro sak 10-oni sakprakde gisikni gita dongtogijaniko man•e saenggiparang ong•a. A•songo cancer sabisiko man•anirang batroroengani giminba ia report-o parakataha.
Indian Council of Medical Research (ICMR)-ni report-o parakani gitade, a•song gimiko salgro salaram jolan cancer-ko man•batgipa ong•enga, jeon Arunachal Pradesh a•dokni Papum Pare a•jao me•chikrang aro Mizoram a•dokni Aizawl-o me•asarang batenga.
NCD-rangko chadamberangni gisepon man•batenga ine janapatengon, NCD-rango nangchakegipa dingtang dingtang saanirangko ma•sina man•na gita health screening ba porikkarangko ra•e nina nangchongmotani gimin report-o janapataha.
Report-o parakani gitade, India a•songni salgro salaram jolrangan ‘cancer capital’ ine mingako man•e 2020 bilsio sak 50,317 manderang cancer-ko man•ahachim aro ianoni sak 27,503-de me•asarang aro sak 22,814-de me•chikrang ong•achim.
Na·simang ia video-koba nina man·gen:
Na·simang iakoba poraina man·gen: Mingsinggipa ‘Firehouse’ dolni lead vocalist a•gilsakko watanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
