Tura, Apr 8: Tura Lok Sabha constituency-o National People’s Party (NPP)-ni candidate aro Tura-ni MP Agatha K Sangma-na GHADC-ni United Democratic Party (UDP) MDC aro Rajabala-ni gitcham MLA Ashahel D Shira-ba chakpaaniko on•angaha.
Sombar pringo ua, Rajabala Assembly constituency-ni manderang baksa Meghalaya a•dokni Chief Minister aro NPP-ni national president Conrad K Sangma-ko Tura-o grongenba, Tura parliamentary constituency-ni NPP candidate Agatha K Sangma-na chakpaaniko on•eaha.
Rajabala Assembly constituency-ara Garo Hills-o donggipa dam 24 Assembly constituency-rangoni damsa ong•a aro delimitation-ko dakani ja•man ian Unreserved Assembly constituency ong•e da•o gimik sak 35,882 voter-rang donggipa constituency ong•engani gimin ian Tura-ni MP-ko seokanio mongsonggipa constituency ong•na sienga.
GHADC-o Batabari GDC constituency-ni MDC ong•enggipa Ashahel D Shira, 2013 bilsini Assembly election-o Rajabala constituency-oni Independent candidate ong•e susaenba seokako man•ahachim aro uni ja•man a•doko Mukul Sangma-chi dilanggipa gitcham Congress sorkari baksa bakrimahachim.
2018 bilsini Assembly election-o ua Congress dolni Dr Azad Zaman-ni jako amako man•rikskaaha indiba Dr Zaman-ni siangani ja•man by-election-ko ong•aton NPP-ni Abdus Saleh, Rajabala-ni MLA ong•rikskaahachim. By-election-ko ong•atanio Shira, UDP-ni candidate ong•e susaskaaha aro uandaken by-election-o vote-rang pripraenba, NPP-ni candidate-sa seokako man•skaaha.
2020 bilsini GHADC election-o Shira, UDP-ni candidate ong•e susataiaha aro GHADC-o skanggipa changna UDP-ni MDC-ba seokako man•aha.
Na·simang ia video-koba nina man·gen:
Na·simang iakoba poraina man·gen: India-o batrikrikna man•gijagipa sabisirang tang•doenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
