Tura, Jul 19: West Garo Hills a·jani Gambegre C&RD Block ning·o donggipa Darechikgre (Bolwari) songo Custom Hiring Centre (CHC)-ko kuliahani gimin da·ode game ge·e cha·giparang, gama ge·ani ostrorangko para ra·e jakkalna man·gnok.

Ia CHC-ko All India Coordinated Research Project on Women in Agriculture (AICRP-WIA)-ni ning·o kuliaha aro ia centre-ko Gambegre-ni MLA Dr Mehtab Chandee A Sangma-ni jakchi oprake on·angaha. Ia centre-ko kulie on·anganio, PRIME Project-ni Head Minha Riyaz Khan, Tura College of Community Science-ni Dean Dr Jyoti V Vastrad. AICRP-WIA-ni Unit Coordinator Dr Anupama Mishra aro gipinrangba dongpae bak ra·angaha.

Ia Custom Hiring Centre-o gama ge·anio jakkalgipa dingtang dingtang ostrorang, jekai hal weani, jeng jabol galani, sam satani, bosta kachipani aro uandakgipa dingtang dingtang ostrorangko, game ge·e cha·giparang, dam komiao para ra·e jakkalna man·na gita donaha.

Ia apsan salon, Tura College of Community Science (CCS)-ni Dean Dr Jyoti V Vastrad-ni dilanichi Nagpur ICAR-CICR-ni ning·o, Garo Hills-o ge·gipa kilkrarangchi tarigimin sanitary pad-rangkoba a·bachengate on·angjolaha aro ia sanitary pad-rangko, songo noko donggipa me·chikrangna, somoi nikani somoirango rongtal an·talaniko rakkina gita suale on·angaha.

Ia apsan program-on, College of Community Science-ni skill development training-o skie ra·ani ja·man bakery unit ba biscuit, cake aro uandake cha·ani tariani karkanako chalaienggipa ‘Dal·dro’ self help group-naba, dough mixer-ko pakwate on·angaha.

Na·simang iakoba nina man·gen: 

Na·simang iakoba poraina man·gen: Guwahati-o a·a rurongdape scooter boldok nosto ka·ako man·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub