Tura, July 19: Sonibar salo, Tura Football League 2026-27-ni Super, First aro Second Division-ni ning·o gimik changbri robol kal·susaanirangko ong·atangaha aro ia changbri kal·susaanio gimik goal 22-ko chipe, nigiparangko an·saoatangbeaha.
Second Division-ni ning·o, Dobol Lake aro Do·kaku dolni gisepo kal·angaha aro ia kal·susaanio dolgnian goal 4-4-ko chipe biltinggrikaha. Dobol Lake dolna Pingkush Sangma, kal·ani 5-gipa, 75-gipa aro 79-gipa minute-rango goal gittamko chipe on·na man·aha aro Tengchong Marak-ba kal·ani 18-gipa minute-o goal-sako chipe on·na man·aha. Indake ong·genchimoba Do·kaku dol, bilakbee warachakna a·bachengskaenba, Jonent Marak, goal-gniko chipe on·na man·aha aro unbaksana Ritul Hajong aro Nokbirth Marak-ba, goal-prakko chipe, Dobol Lake baksa biltinggrikaha.
Super Division-ni ning·o Rongkhon Sporting aro West Balalgre dolrang, PA Sangma Stadium-o kal·angskaaha aro ia kal·susaanio Rongkhon Sporting dolna Riverland Mylliem, Eska Sangma, Sengrang Sangma aro Randeep Khakalary, goal-prakko chipe, West Balalgre dolko goal 4-0-chi amchepataha.
First Division-ni ning·o, Achapara Balmikka aro Dalu United dolrang kal·angskaaha aro ia kal·anio Achapara Balmikka dol goal 4-ko aro Dalu United goal 2-ko chipe, Achapara dol chegipa ong·aha. Achapara Balmikka dolna Nikrang Sangma, goal-gniko aro Eltish Sangma baksana Brening Marak-ba goal-prakko chipna man·aha. Dalu United dolna, Dikki M Marak aro Rangkram T Sangma, goal-prakko chipe on·skana man·aha.
Iana skang Second Division-ni ning·o, Hill View aro Ambri A·ding dolrangba kal·susaangaha aro ia kal·susaanio Hill View dol, Ambri A·ding dolko goal 4-0-chi cheangaha. Hill View dolna Nahum T Sangma goal-gniko, Carry John Ch Sangma goal-sa aro Jakkram Ch Sangma-ba goal-sako chipe on·aha.
Na·simang iakoba nina man·gen:
Na·simang iakoba poraina man·gen: Skotong Minister, Sohiong-ni CM Connect Centre-ko a·bachengate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
