Shillong Naitung 19: U kaitor ka Meghalaya samla Kitkupar Nongsiej ula wanrah nam bad burom ia ka jaidbynriew bad ia ka ri India, da kaba ioh rung sha ka Grand Finale jong ka World Championships of Performing Arts (WCOPA) 2026, kaba long ha Las Vegas, Nevada, USA.

U samla Kitkupar, udei uba shong ba sah ha ka shnong Kynshi, Eastern West Khasi Hills District, Meghalaya bad ula mihkhmat kum uwei na ki dkhot jong ka kynhun na ka ri India ha ka WCOPA kaba la long hapoh ka ri America.

Une u samla uba tbit ha kaban rwai, ula pyni ia ka sap ka jongu da kaba rah ia ka nam lahduh ia ‘Ka Sur Kynud Season 3’, ka jingiakob rwai ha Meghalaya kaba la pynlong da ka Don Bosco Media Network (DBMN) bad hadien kane ula leit iashimbynta ha ka WCOPA kaba dei ka jingiakob pyni sap kaba heh ha kaba ki nongiahsimbynta na ki 60 tylli ki ri kila wan ban pynia iala ka sap ka phong ha katei ka rynsan iakob.

Kane ka jingioh rung u Kitkupar Nongsiej sha ka Grand Finale jong ka WCOPA, kala pynlong syndon ia u kum u nongiashimbynta ba nyngkong eh na ka ri India ban ioh rung sha ka Grand Finale bad ka jingshah jied ka jongu kadei hadien ba ula rwai bha ha ka Semi-Final ha ka miet jong ka 18 tarik u Naitung bad la pynbna syndon ba ula ioh rung sha ka Final jong kane ka jingiakob kaban long ha ka 20 tarik u Naitung ha kaba yn aiti syndon ia ka khusnam sha ki nongjop.

Ka WCOPA kadei ka lum ia ki briew kiba tbit bad donsap na kylleng ki ri, la kadei ha ka rwai, ka shad, ban tem ban put, ban iaid Model, ban ak bad kumta ter ter.

Pule ruh : Hukum ka High Court ban aiti shawei ia ka jingtohkit, kurup CCTV ba iap ka Khynnah ha Nongpoh

Peit ruh :

Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.

Bud ruh ia ki ha ka

Twitter – twitter.com/nemediahub

Youtube channel – www.youtube.com/@NortheastMediaHub2020

Instagram – www.instagram.com/ne_media_hub

Download ia ka app jong ngi na playstore – Northeast Media Hub