Shillong, Aug 26: Indian Army-ni rakbee kamrangko ka•anichi chang 133-gipa Durand Cup-na robol kal•susaaniko Shillong songjinmaoba sokachakna man•aha aro ian a•doko songdongenggipa aro robol kal•anio gisik nanggipa manderangni jumangko chu•sokatani gita ong•aha.
Durand Cup-na robol kal•susaaniko Shillong songjinmani JN Stadium-o sokachakengon, kal•a changantian manderangni kusi ong•e doltangtangna chakanirangko nikna man•enga aro ian robol kal•susaani gitasan ong•aigija robol kal•aniko jinma kusi ong•e maniani gitaba ong•pilskaa.
1888 bilsio a•bachengatgipa Durand Cup-ara Asia-o gitchambatsranggipa football tournament-san ong•aigija India a•songo mingnambatsranggipa tournament ba kal•susaaniba ong•a aro ia chang ia kal•susaaniko Meghalaya a•dokni skotong Shillong songjinmaona ra•bana man•aniara Meghalaya a•dokni itihaso mingsa chu•sokaniba ong•aha.
Ia Durand Cup-ko Sir Mortimer Durand-ni bimingchi mingaha aro ia robol kal•susaaniko a•bachengani somoio ian British Indian sipai dolrangni dingtang dingtang bipekrangni gisepo kal•susaani gitasa a•bachengahachim indiba ja•mano India aro dingtang dingtang a•songrangoniba mingsinggipa dolrang bak ra•na a•bachengaha.
Ia kal•susaaniko Indian Army-ni gitasa ong•atrongengani gimin ia kal•susaanirango pangnan Indian Army-ni mikkim aro gunrangko ja•rikronga aro ian ia tournament-ko gipin kal•susaanirangoni namen dingtanggipa ong•ata.
Ia Durand Cup-ko Shillong-onaba ra•baahani gimin a•dokni manderang namen kusi ong•e ia kal•susaaniko nokchaksotokaha aro uandaken ia kal•susaaniko re•anggipa August-ni 2 tariko, Meghalaya a•dokni Chief Minister Conrad K Sangma, Shillong songjinmani JN Stadium-o a•bachengate on•angaha.
Na·simang ia video-koba nina man·gen:
Na·simang iakoba poraina man·gen: Niam gita koela bikotaniko a•bachengpiltaina ja•ku de•chakatenganina CM-ko mittelpila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
