Aizawl, May 1: India-ni sipai dolrango mikkang niteaniko bon•atna ja•ku de•ani bak gita, Mizoram a•dokni Vairengte minggipa biap-o donggipa Counter-Insurgency and Jungle Warfare School (CIJWS)-o sakdok me•chik Officer-rang, dingtangmancha skie ra•aniko dakna gita re•chakatangaha. Ia program-o skangchengonin me•asarangsan bakko ra•na gita manaiachim, indiba ia chango, ia namen rak•begipa program-o me•chik officer-rangko skanggipa changna rimnapaniara me•chikrangko bil gnangbatatna ja•ku de•chenganiba ong•aha.
CIJWS, ian bobil dolrangko dakgrikna tarisamsona gita rak•begipa training-rang aro ga•nanggija biaprang ba diltugipa burung bolgrimrango dakgrikna skie on•gipa skul ge•sa onga. Aro ian United States, Bangladesh, Bhutan, France, Malaysia, Nepal, aro Sri Lanka, ia iandakgipa a•songni sipairangnaba training-rangko on•manahachim. Ia sipairangni skul dakgrikani a•bao bobilko nika bakan gona sapani, nangan somoio jajagija seng•gipa jakuko de•ani aro diltugipa ga•nanggija biaprango an•tangko tange rakkiani aro a•sol dakgrikani a•bao maikai antangko rim•a manatgija seng•e dongna man•gen iarangkoba skiachim.
Me•chik officer-rangko ia sipairangni training-o bimung segataniko a•bachengatanira, Indian Armyni dingtangmancha me•chikrangko mikkang nitegija, me•asarang baksa apsangrik ong•e kamni bidingo mande ra•aniko mesoka gita ong•a. Ia skulo sakdok me•chikrang seokako man•aha aro uamangko je gadango me•asa sipairangna skianirangko on•engachim, apsan daken ia me•chikrangnaba skianiko on•anggen, jeon uamangna dakgrikchongmotenga gita chacha skianirangko on•anggen.
1967 bilsio salgro salaram jolo bang•bea bobil dolrang gnangchim aro uamangni jakchi bang•bea Indiani sipairang so•otako man•ani a•sel, ua somoi-o onggipa Army Staff-ni dilgipa, Field Marshal Sam Manekshaw CIJWS-ko a•bachengataha. Ia skulko mingsa miksonganiko chusokatna miksongenba a•bachengataha, jean ” Fight The Guerrilla Like A Guerrilla” ba bobil dolko dakgriknade bobil dol gita chanchibo ine pe•skaani ong•a.
Me•chik officer-rangko rimnapaniara Indian Army-ni gitcham training-o skie on•anirango, gitalgipa chanchibewalanirang aro changa sapaniko skie on•anirangko ra•badapani ong•a. Ia me•chikrangko rimnapchenganiko dakaniara, ka•donggipa me•chikrangni a•songna dangdike on•a skani aro me•asa baksa apsangrik gadango kam ka•na skaniko ra•chakaniba ong•aha.
Ian Indian defense-ni gita niamrango adita dingtangataniko ra•baaniba onggnok, maina adita somoirangna skang me•chikrangko mande ra•e me•asani apsangrik gadangon Indian Air Force o kamko on•atan baksana Naval Warship ba sagalo kam ka•gipa sipairang ong•e kamko ka•china gita me•chik officer-rangko kamo donataha. Ia ka•dongbegipa me•chikrang, Indian Army-o ia gitalgipa kamko ka•na an•tangko kangkare ka•aniara, Indian Army-o mikkang nitegija me•chikrangko rimchaksoaniko dakmesokaniba ong•a.
Na·simang ia video-koba nina man·gen:
Na·simang iakoba poraina man·gen: Tura Government College, sal 3-ni Soft Skill Workshop-ko ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
