Shillong, May 1: Tura jillao dumper truck garirangni skatang salanichi ramarango a•sel ong•anirangko chel•chakna gita a•dok sorkari, rakgipa ja•kurangko de•aha ine Budbar salo, Meghalaya a•dokni Cabinet Minister aro Williamnagar-ni MLA Marcuise N Marak parakataha.
Dumper truck garirangni a•sel me•chik bi•sa saksa ja•a samsako gimaatna nangahani gimin aro baditaba sak manderang bilongbee saknaanirangko man•na nangahani gimin an•tangni suk ong•gijaniko parakatengon, iandakgipa a•selrangko chagrongna nangahani gimin Chief Minister Conrad K Sangma-ni ge•etanio pangchake, metric ton 9-na bate bostu salgipa truck garirangkode district administration-ni permission gri Tura jillao napaniko champengataha ine Marak aganaha.
Iandakgipa truck garirang, Tura jillao napna gita DC-ni permission-ko ra•chengna nanggen ine talataniko on•angengon, truck garirangni re•napbaaniko champengsona gita Damalgre, Dobasipara aro Rongram jolrango police checkpoint-rangko donataha ine Minister parakataha.
MT 9-na komibate bostu salgipa truck garirangba jillarango napengon DC-rangna u•iatchengna nanggen indiba bostu salgipa truck garirangko wal 9:00 bajioni pring 6:00 bajionasan jilla gita re•na on•aigen ine Marak parakataha.
Dedrangna garirangko salna on•engon, driving licence-rangko tarie ra•chengchina aro traffic-ni niamrangko name ma•siatchengchina gitaba Marak, ma•a paarangko didiataha.
Na·simang ia video-koba nina man·gen:
Na·simang iakoba poraina man·gen: Indian army skanggipa changna me•chik officer-rangko Mizoram-ni Elite Jungle Warfare School-o nokchaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
