Guwahati, July 21: NDA dolni President-na chakatanio chakgiparang, Droupadi Murmu chena am·engaha ine nikahaon India a·song gimikan kusi ong·tokaha aro Assam-ni Guwahati songjinmaoba BJP dolna chakgiparang sak hajal 10-na baten kusi ong·bee re·jomaha.
Murmu-ni atchiram Odisani Rairangpur-oba songni manderang kusi ong·e chi·gipa cha·anirangko tarie donsoan baksa ua jolo donggipa chongipa jatrangni chrok-mesaanirangko dakangaha.
Murmu-ni atchiramtang a·dokoba dal·e manianiko dakna laddu rong hajal 20 aro king 100 noksa gnang rimchaksoani salamko tape kusi ong·e manina sienga ine BJP dolni dilgipa Tapan Mahanta parakataha.
