Shillong, Aug 12: Bangladesh a•songo so•sojengjeng ong•engani gimin India aro Bangladesh a•song damgnini simarang gita da•o dipet darangkoba re•rurana on•jana gita a•dok sorkari tik ka•angaha. Bangladesh a•songoni niam gri India a•songona napsrukbana jotton ka•anirang dongnaba gnang ine ia sima jolrango chel•chakanirangko bilakbatatna gita a•dok sorkari, ma•mongni sipai dolrangkoba bi•dapataha.
Sombar salo, Union Home Minister Amit Shah-ko New Delhi-o gronge agangrikangani ja•man kobor ra•timgipa manderang baksa agangrikengon, India aro Bangladesh a•songni simarango chel•chakanirangko bilakbatatna gita sipai dolrangko watdapatchina ma•mong sorkariko didiaha aro nangani kri ja•kurangko de•na gita Union Home Minister ku•rachakaniko on•ataha ine Meghalaya a•dokni Chief Minister Conrad K Sangma parakataha.
Union Home Minister-ko grongeanio Chief Minister baksana Deputy Chief Minister aro a•dokni Home Minister Prestone Tynsong-ba dongpaaha.
Sangma-ni aganani gitade, a•song damgnini simarango BSF aro Army baksana Meghalaya Police-ba mikrake kamrangko ka•enga ine uamang, Union Home Minister-na talate on•baaha.
A•song damgnini simarango chel•chakanirangko bilakbatatna gita night curfew-ko ra•gataha aro da•o dipet ia simarang gita manderangni re•ruraanirangko raken champengatahani gimin uamang Union Home Minister-na talate on•baaha ineba Chief Minister aganaha.
HHM @AmitShah ji today reviewed the ongoing situation in Bangladesh and its implications for the North East. The concerns and apprehensions of our people were raised during the meeting. GoI is committed to keeping our borders safe and appeals to all to maintain peace & harmony. pic.twitter.com/R3qjdwq2Cs
— Conrad K Sangma (@SangmaConrad) August 12, 2024
Sonibar salosan Bangladesh a•songni mande saksni baksana India-ni mande sakgniko BSF-ni sipairang, East Khasi Hills a•jani Pynursla checkpoint-oniko rim•na man•ahachim.
Re•anggipa antioba, Bangladesh a•songoni sak 1000-mangni gita manderang, Cooch Bihar a•ja gita India a•songona napdrabana jotton ka•ahachim indiba ia manderangko BSF-ni sipairang champengsona man•ahachim.
Sombar pringoba, India aro Bangladesh a•songni sima jolo, Bangladesh a•songni mande sakbriko Assam-ni police-rang rim•soenba, a•songtangona watpilataha.
Na·simang ia video-koba nina man·gen:
Na·simang iakoba poraina man·gen: Indian Army-ni sipai kotokrang Digboi-o British chasongoni chi dam kagipako taridapa : Assam
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
