Guwahati, Apr 29: Sombar salo, Nagaland a•dokni Indo-Myanmar sima ario donggipa Mon a•jaoniko, Assam Rifles dolni am•sandianiko dakanio, bang•a silchidare-rang, guli barutrang aro dakgrikani somoio jakkalenggipa bosturangko rim•na man•aha.
Ia am•sandianiko, Sombar pringonin a•bachengatahachim. Indake, ia am•sandianio jak donggipa saksa mandeko rim•na man•an baksana, bang•bea silchidare aro guli barutrang jeon, rong 11 Motor tubes (81mm) aro rong 4 Tubes (106mm) gnangchim aro unbaksana, bol 10 pistol-rang, ge 198 Hand Held Radio Set-rang, ge•sa satellite phone, bolsa Kenbo bike, bolsa Bolero gari aro uandake dakgrikani somoio jakkalenggipa bosturangko rim•na man•aha.
Indake sima arijoloniko indake dal•begipa bosturangko rim•na man•anian, Assam Rifles dolni dal•bea chu•sokani ong•a aro a•ja ning•o tom•tome janggi tangenganiko, so•sojengjeng ong•atgnioko naljokatna man•aniba ong•aha. Ia sipairangni jakkalenggipa Hand Held Radio Set-rangko aro silchidare-rangko rim•na man•anichi, a•doko dal•a a•sel ba nosto ong•atnasiachim ine u•ina gita man•a.
Indake, ia rim•na man•gimin mande aro bosturangko, Nagaland Police dolna pakwatatskaaha.
Na·simang ia video-koba nina man·gen:
Na·simang iakoba poraina man·gen: Ri-Bhoi NH-6-o rubber gatangenggipa truck wa•al kamgopa, sakgni saknaatako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
