Kohima, Feb 7: India aro Myanmar a·songni simao Free Movement Regime (FMR) ba jakgitele re·rurana man·aniko da·o sorkarini champengatna manchianiko Eastern Naga People’s Organisation (ENPO) raken jegalataha.

Indo-Myanmar simao FMR ra·galaniko jegalatengon, India aro Myanmar a·songni simao songdongenggipa Nagarangni nangnikani grisa, 1953 bilsio a·songni gitcham Prime Minister Jawaharlal Nehru aro Burma (Myanmar) a·songni gitcham Prime Minister U Nu simako salaha aro iani a·selan ia sima jolo songdongenggipa Naga manderang aro uamangni a·arang ma·ekgrikatako man·na nangaha une ENPO parakataha.

India aro Myanmar a·songrangni gisepo salgipa simara Salaram Nagaland-o saldragipasa ong·e, Nagarangni songdongchakenggipa biapni bijangchikon man·aha ine janapatengon, ia biapkon sima salahani a·sel apsan an·chichin nangrimatako man·gipa Nagarang, saksa sakgipinoni ma·ekgrikatako man·aha ine ENPO parakataha.

ENPO-ni parakatani gitade, 2011 bilsio ia simako fencing kana ma·mong sorkarini tik ka·anikoba Salaram Nagaland-o songdongenggipa manderang raken jegaltokahachim.

FMR-ko ia jolo songdongenggipa manderangni namgninasa ra·gatahachim ine janapatengon, ia jolo FMR-ko ra·galani pal a·song damgnian ia apsan niamkon ja·rikangkuna nanga ine ENPO ku·pattianiko on·angaha.

Iakoba poraie nina man·gen: Assembly budget session-o nangrime kam ka•na inenba, Congress party-ni gita TMC aro VPP partyna lekkako sedoa

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub