Tura, July 21: Tura-ni Chandmari kal·chakramo ong·atengipa Inter-Mahari football Tournament-o, Sukrobar salni bako Dalbot FC aro Ampang FC dolgnini gisepo ga·subee robol tingsusaanganiko nikangna gita man·aha jeon, kal·ani skanggipa bako Dabot FC gimik gol 2 rangko chipsona man·aha, indiba gisiko nange kal·angkueongon neng·take kal·piltaigipao Ampang FC mangmang gol-sakosan chippilna man·eming Dalbot FC-ni jakchi ama cha·angaha.
Maharirangni gisepo robol kal·susaenggipao Ampang maharirang salni bako kal·anio doltangko dingtangtee niksengataha aro pekatgipa samrangko jakkalani bidingo chadamberangna mikrakataniko on·na jotton ka·angenba, kal·gipa gimikan ‘Say No to Drugs’ ine sea donggipa jersey-rangko gane kal·angtokaha.
Iandakgipa jersey-ko gane kal·angani gimin Ampang FC-ni Captain aro MLA gitcham Pa Billykid A Sangma, HubNews koborna aganangengon, pilakchin ia salrango drugs ba pekatgipa samrangko jakkalanirang giproroanichi chadamberangko aro songsalko nosto ka·enganirangko knasona gita man·engani gimin, chadamberangna dingtangmancha mikrakataniko on·na miksonge ia jersey-rangko gane kal·aha aro iandakgipa pekatgipa samrangko jakkalanio namgijani gimin an·ching skakantian mikrakataniko on·na nangchongmota ine ua parakataha.
Iakoba poraie nina man·gen: Police-ni kamona rimnapgital manderangko rimchaksona M’laya Police dept., skanggipa changna dal·bee tom·aniko ong·ata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
