Tura, June 26: Budbar salo, International Day Against Drug Abuse and Illicit Trafficking-ko orto gnanggipa dakmesokani baksa, Tura-ni Little Flower School-ni chatro chatrirang, Dakopgre-ni Nazing Bazaar-o gari parking ka•gipa biapo maniangaha.
Ia school-ni chatro chatrirang, drugs ba pekatgipa bosturangko jakkalaniko jegalchina ba gelchina segimin kattarangni lekka pal•takrangko ra•e, dama-rangko doka baksana ‘Drugs-ko jegalbo’ ine a•bokjoljole Nazing Bazaar-oni re•jomaaniko dakangaha aro drugs ba pekatgipa bosturangko jakkalanichi mandena mai namgijaniko ong•atna man•achim aro uarangko jakkalaoniko gelna nangchongmotani gimin u•iataniko on•a dakmesokeba mesokangaha.
Ia orto gnanggipa dakmesokaniko dakanganichi, ripengskarangko aro songsalo bakrime janggi tangenggiparangko drugs ba pekatgipa bosturangko jakkalanioni chele dongchina didiangaha.
Little Flower School, Tura uamangni school-oni bidakosan on•mangmangaia ong•ja, indiba songsalo dakna nanggni kamrangkoba skie on•an baksana uamangni u•i ma•sie dal•roroanio dakchakgipaba ong•a. A•gilsak gimiko ia manianio bak ra•anga gitan, uamangni bak ra•anichi, uamangni songsalna on•gilpaanio school-ni gita on•kanganiko aro lekka porani ja•pangko u•ie ra•ani, bi•sarangni gisiko ka•sachakaniko gapatani, songsalo dangdike on•ani aro dilgipa ong•aniona dilaniko mesokaniba ong•aha.
Little Flower School, Tura, William Initiative-ni 2013 bilsio, manderangni gisepo tom•tomaniko aro namroro silroroaniko tang•doatna miksonge a•bachengatgipa ong•a. Uamang, lekka porako, nama school nokrangko aro songsalo pilakni gitan namdapatna jotton ka•a baksana, songadamrango songdongenggipa manderangni janggi tanganiko tang•doatna kam ka•giparangba ong•achim. William Initiative, dingtang dingtang program-rangko aro daka rikanirangko ong•atanirango manderangko bak ra•atanichi, namgipa dingtanganiko ra•banio chu•sokgipa ong•na jotton ka•ronggipa ong•a.
Na·simang ia video-koba nina man·gen:
Na·simang iakoba poraina man·gen: Pynursla-Dawki ramao dal•begipa ro•ong onjetna am•aoni jenten gari bolsa joka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
