Shillong, Mar 8: Social Welfare Department aro Meghalaya State Rural Livelihoods Society (MSRLS) nangrimenba, “Accelerate Action” ine katta bichongko donenba Shillong-ni State Convention Centre-o International Women’s Day-ko Sonibar salo maniangaha aro ia salo Beti Bachao Beti Padhao (BBBP) Scheme-ni bilsi 10 gapaniko gisik ra·an baksa chu·sokgimin me·chikrangko mande ra·pilskaaniko dakangaha.
Ia tom·anio sak 17 me·chikrang chong·motan, Meghalaya a·dokoni skanggipa me·chik cricketer Ajima Paul A. Sangma aro para-athlete-o gold medal man·gipa Prisca Pyngrope aro Rinalin Nongdhar aro unbaksana Self Help Group (SHG)-rangni memberrangko, kal·susaani a·bao, badingchiwalanio, ge·a gamanio aro songsalo dangdike on·anio on·gilpaanina mande ra·pilskaaniko dakangaha.
Indake badingchiwalanio me·chikrangna dakchakaniko on·a aro uamangni badingchiwalaniko apalbatatna cholko on·a miksonganio, SBI, MCAB aro MRB-rangoni gong crore 25 tangka rangko SHG-rangna on•angaha.
Social Welfare Minister Paul Lyngdoh, me·chikrangko me·asarangming apsan gadangona sokatna uamangni on·gilpaanina de·mitele aganaha. Health Minister Ampareen Lyngdoh-ba a•dokna chamatgipa budget-oni 60% de me·chikrangni namgninan ong·a ine aganan baksa Sanitary Pad Vending Machine Distribution-ko a·bachengate on·angaha.
Uasan ong·aigija ia tom·anio, me·chikrangni dilgipa ong·ani aro me·chikrangko bil gnangatani gimin The Shillong Times-ni Editor-in-Chief Patricia Mukhim chanchirimaniko dakangaha.
Na·simang ia video-koba nina man·gen:
Na·simang iakoba poraina man·gen: St. Xavier’s School Tura-ni bilsi 75 gapaniko dal•e mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
