Tura, Jan 28: Budbar-o, Garo Hills a·jao songdong a·chaenggipa A·chikrangko a·songtang chigatangko wate katchina ISIS-K bobil dol ine A·chik jatko ka·mikkenatani baksa segimin poster-ko New Tura-ni Matchakolgre kal·chakram biap sepango donggipa Law College jolo, bijolini krongo tape donako nikna man·aha.
Police-rangni aganani gitade, iandakgipa poster-rangko ia biapo tape donana agre a·jani gipin bakrangode nikdapa dongkujaenga aro iandakgipa kamrangko ka·aniara manderangni gisepo ding·chaoatna aro kenjagokatna miksonge ka·gipa kam ong·a ine janapataha.
Ia tapgimin poster-ko ra·galaha aro tale am·sandina aro porikka ka·e nina watataha aro iani bidingo Araimile Police Station-o mokordomako segatenba am·sandianiko dakengaha ine Police-rang aganaha.
Indake, manderangni gisepo kenjagokaniko aro jatska jatgipin baksa kajia golmal ong·atna miksonge ia poster-ko tapgipa manderangko am·sandienga aro uamangni kosako niamo pangchake raka sastiko on·gen ineba uamang janapataha.
Iani bidingo, Social media-o ba gipin platform-rango seanirangna kenjagokna nangja aro dilsretako man·a nangja ineba a·jani Police sakantikon mol·molataha.
Indake apsandakgipa kamko ka·enganiko saobarang nikgenchimode bakan sepangbatgipa Police Station, Beathouse, outpost ba Tura-ni Police Control Room (PCR)-na u·iatchina ba +918837423053, +917005530510 aro +919089199064 mobile number-ona ka·atchina ine songdong a·chaenggipa sakantikon mol·molataha.
Na·simang iakoba nina man·gen:
Na·simang iakoba poraina man·gen: Ampati-o “Mi Kari” festival-ko manina tarisamsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
