New Delhi, Apr 14: Ia jani a·bachengachibara Syria a·songni Damascus songjinmao donggipa Iranian Consulate-ko Israel a·songni chadrapani ja·man Israel a·songkoba Sonibar walo, drone aro missile-rangchi goe Iran chadrapskaaha.
Damascus songjinmao donggipa Iranian Consulate-ko Israel a·songni chadrapanio Iran a·songni Revolutionary Guard-rangko man·chape bang·a manderangan siangna gita nangahachim.
Uandaken ia chadrapanina jakbikpilani chin Sonibar walo Iran a·songba Israel a·songko drone aro missile-rangko godape chadrapskaaha.
Indake ong·engon, Iran a·songni Israel a·songko chadrapani gimin US a·songni President Joe Biden, raken jegalataha aro G7-ni dilgipaskarang baksa aganchakaniko on·na ku·rachakataha.
Iran a·songni drone aro missile-rangchi chadrapani ja·man Israel a·songba ta·raken warachakna gita a·bachengskaaha aro Iran a·songoni goatenggipa bang·a bomarangkon champengsona man·aha.
Ia a·selni bidingo a·gilsak gimikon jajrengchakaniko paraktokaha aro China a·songba ia a·selni bidingo suk ong·gijaniko parakatenba, obostarang namjabatroroangna skangan dinggrikaniko dontongchina aro tom·tomaniko rakkichina pilak dolrangkon didiataha.
India a·songni gitaba ia a·selni bidingo suk ong·gijaniko parakataha aro dolgnini gisepo tom·tomaniko rakkiangchina didiataha.
Na·simang ia video-koba nina man·gen:
Na·simang iakoba poraina man·gen: Skanggipa changna Garo hills-o ong·atgipa Strawberry Festival matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
