Shillong, Feb 19: Jaintia Hills districto medical college kulina gita aganani dongkuja ine Health & Family Welfare minister Ampareen Lyngdoh, UDP MLA Nujorki Sungoh-ni sing·anina aganchakaha. Indake ong·oba, Jowai Civil Hospitalo ru·utgijan namgipa gadangni radiologyko dongnok ine ua aganaha.
Nujorki Sungoh, dingtang dingtang kamrangni gimin Assemblyo sing·e tale ra·ani ong·mitingo, Jaintia Hills a·jao sana-banani cholrang namjaengani gimin suk ong·gijaniko parake aganaha. A·dokni sima-ari jolo donggipa Psiar songo public health centreko kulichina gita ua a·dok sorkario mol·molaha. Uni aganani gitade, ia kamna songni manderang apalbee a·ako on·manaha.
Public health centre-rangko kuliani bidingo sorkari nigrike kam ka·enga, aro Psiar gita dakgipa biaprango public health centreni gadangona ra·dona kraama kraja nigrikenga ine Ampareen Lyngdoh aganchakaha.
Na·simang Iakoba poraie nina man·gen: M’laya Games-ni somoio be·enna namgijagipa cha·anirangko on·a dongja: Sports Minister
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
