Shillong, Aug 28: Jaintia oikorrangni bidingo Riquoma Rq Laloo-ni chimonge segimin ‘Ka Kot Sikai Thoh wei wau Pun Emkaam ya ki Dak A-B Jaintia’ ki·tapko JHADC-ni Executive Membor Phasmon Dkhar, Sonibar salo Jowai-ni Panaliar-o jinmana oprake on·angaha.
JHADC-ni songe on·gipa Alphabet Committee, ia Jaintia oikorrangni bidingo baditaba bilsirangna chanchirimani ja·man ia Jaintia oikorrangko ia bilsini March 25 tariko JHADC ra·chakahachim ine nikna man·a.
Ia Jaintia oikorrangni bidingo segipa ki·tapko oprake on·na gita tom·aniko ong·atanio Jaintia Students Union (JSU)-ni gitcham president aro Committee-ni membor Rikut Parien, jinmana aganprakangengon, jatni ku·sik aro daka rikaniko ripinge rakkiani cholde see rakkianichisan ong·aia aro ku·tangko oikorchi sea donggijagipa jatde gimagnigipa jat gitasan ong·aia ine parakangaha.
Ia tom·anio Elaka Jowai-ni dilgipa Puramon Kynjing-ba jinmana aganprakengon, Jaintia oikorrangko sena gita rakbee kamko ka·ahani gimin Laloo-ko mittelpilangaha.
Ia tom·anio mongsonggipa ong·e bakko ra·anggipa JHADC-ni EM Phasmon Dkhar-ba jinmana aganprakengon, Jaintia oikorrangko chapa ka·na kam ka·ani gimin Jaintia Alphabet Committee-ni kamrangko aganangenba, JHADC-ni ra·chakgimin ia oikorrangko jakkalchina gita Jaintia jatni manderangko didiangaha.
