Shillong, March 31: Jamshedpur FC, NorthEast United baksa Shillong-ni Jawaharlal Nehru Stadium-o robol kal·anio chu·sokgipa ong·e ISL 2024-25-ni semi-final-ona doangaha. Ian a·doktango kal·anio NorthEast United-ni 3-gipa changna sirikaniba ong·enga.
Jamshedpur FC, da·o League Shield-o chegipa Mohun Bagan Super Giant dol baksa semi-final-o kal·angskagen. Ia season-o uamang chang 5 robol kal·susaanirango cheaniko man·e, ian ISL campaign-o uamangni nambatgipa record-ko man·aniba ong·enga.
Stephen Eze, minute 29 ong·o doltangna goal-sako chipchenge on·angaha. Iani gisepon, Mohammad Salman-ba halftime ong·na skang mangmang 2-gipa goal-ko chipna bang·jahachim.
NorthEast United goal-rangko chipna jotton ka·beahaoba uamang goal-sakoba chipna gita man·jaha. 88-gipa minute-o Mobashir Rahman-ni red card man·a ja·manoba, Jamshedpur doloni Javi Hernandez aro Ritwik Das, goal chipna ku·cholsan krenge kal·angenba kal·anina on·gimin somoini bon·kamao goal-sako chiptaina gita man·aha.
Na·simang ia video-koba nina man·gen:
Na·simang iakoba poraina man·gen: Pe·grugipa Cenotaph-ko GSU Eastern Zone, Williamnagar niea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
