Dibrugarh, Apr 3: Lok Sabha Election-na wenaniko dakengon, Union Minister Sarbananda Sonowal, Jaipur mandal-ni ning•o ong•gipa Amguri, Naharani aro Kenduguri-o jinma tom•bimonganiko ong•atangaha.
Ia tom•anirango jinmana aganprakengon, a•songni silroro namroroanina kragipa bewalo kamrangko ka•ani gimin, BJP-ni a•gipi dilgipa aganaha.
“Jatiyodabad”-ni miksonganiara, sakgipinni gamrangko nosto ka•ani kosako, songdong a•chaenggipa manderangni man•gni bilrangko gamchate ra•anian ong•a aro ia bilko mangrakbatatna, kakket ong•e pilak kamrango aro a•songko rikna nangenga. Ian songdong a•chaenggipa manderangni bil man•aniko gamchate ra•aniko ku•rang on•aniba ong•a” ine Sonowal aganaha.
Unbaksana, Congress dolrangni IMDT Act-o bakrimjani gimin ja•kurangko de•ahaon, rama sorokrango jingjengatani pal, Jatiyodabad-o pangchake niam gita chinga Supreme Court-ona re•angskaaha ine aganan baksa, 2016 bilsio sorkari rikchengon, Skotong Minister ong•e, ua Assam a•doko songdongenggipa manderangni man•gni bilrangko dake on•a ja•kurangko de•aha. A•songni jakgitel ong•aonin, manderangni a•ani bidingo man•gni bilrangko on•anio Congress dol jerangko chu•sokatjahachim, uarangko, te 3,60,000 nokdangrangna niam gita patta-rangko on•enba a•arangko on•aha, una agreba, 2021 bilsio, BJP sorkari rikna a•bachenga dipet, te lak 2 nokdangrangna, niam gita a•arangko on•a man•aha ineba ua aganaha.
Indake, iani gisepon, INDIA bloc-ni candidate Lurinjyoti Gogoi aro AAP-ni candidate Manoj Dhanowar, Dibrugarh Lok Sabha Constituency-o susana tarisamsoaniko dakengaha.
Na·simang ia video-koba nina man·gen:
Na·simang iakoba poraina man·gen: Silchar Lok Sabha seat-oni susana BJP minister nomination file ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
