Guwahati, April 12: Bohag Bihu a•bachengna siengani gimin, Guwahati-ni Kharghuli me•chik dolrang, jatni chrok mesaani “Jeng Bihu” -na skisamsoanirangko gisik nangbee aro an•tangtangko on•kangenba matchotaha. Ia me•chik chrokgipa dolrangoni bangbatan segipa ra•e noko dongaigiparang ong•a aro skangoni dakrongbaenggipa uamangni jatni chrok mesaani gimin ning•tue ma•sie ra•na ka•oksianiko kusi ong•bee parakangaha. Indita kam choljokjagenchim ong•ode ia me•chikma dolrang, ia dakbewalrangko ripingna an•tangtangko on•kange kamko ka•angaha.
Hub news baksa agangrikengon, me•chik dolrangoni saksa, “chinga noko donggipa me•chikmarara bihuna ong•katbaaha aro chingan ia “Jeng Bihu”-o chrokaniko dakanggen. Ia chrokanio gegittam doka dakanirang jekai Toka, gagani aro Sutoli-na agre gipin doka damanirang dongjawa,” ine aganangaha. “Ia Bihu chingni be•en bimangon dongkama aro maming saloba chingoniko ma•ekatna man•jawa. Chinga ia chrokaniko name aro chu•soksranggipa ong•atna sal 15 ba sal 20 na skisamsoanirangko daksoaha. Indake ong•engon, knaloni ia Bihu a•bachengna siengon, chingni gisik nanganiko aro on•kanganiko chrokachi aro git ring•anichi mesokanggen,” ineba me•chik dolrangoni saksa u•iatangaha.
Jeng Bihu jekon Gos tohor Bihu ineba u•itoka, ian itihas-ni gamchatgipa bak ong•a, jeon me•chikrang chrokmiting somoio uamangni wilwilao go•olrangko done chrokaniko daka jekon Assamese ku•chikchi “jeng”ine mingachim. Ia indakgipa Bihu manianiko Upper Assam jolrango nikna man•bata.
Ia Bihu manianiara, pilak Assamese manderangni kona noksikrangonan gipangaha, jekon sakantian dal•a chona pilak manderangan manina kusi ong•e nisengsoanirangko dakenga. Jatni ganding chinding chongmotan tairiya-ko gannaoni Bihu ong•chakatna tariaona kingking, a•dokni pilak manderangna apsan re•bae ku•cholsan ong•e ia manirongbaenggipa manianiko rongtale manina kamko ka•toka.
Guwahati aro uni sambajolo manianina damarang gam•chakengon, Kharghuli me•chik dolrang nina re•baenggipa manderangko uamangni an•saobee chrok mesaanichi miknapatna tarisamsoanirangko daksoengan baksana ia Bihu chrokanichi aro knatobegipa sulrangchi Bihu manianiko niksengbatatgen.
Na·simang ia video-koba nina man·gen:
Na·simang iakoba poraina man·gen: Meghalaya SED, UDISE-na chatro chatrirangni data-ko chimongani matchotna sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
