Shillong, Oct 6: Bristibar salo, Secretariat-ona napdraange jingjengatenggipa skigiparangko police-rangni tear gas godapanio dongpagipa bi•sarangna nanga gita naljokanirangko on•gen ine State Commission for Protection of Child Rights (SCPCR)-ni Chairperson Iohmon Syiem parakataha.

Bi•sarangna on•gimin bilrangko pe•ani dongjana gita ia a•selni bidingo commission, sandirokna a•bachengataha aro pilaknikon report-rangko man•ani ja•manosa iani bidingo tale aganna man•gen ineba Syiem parakataha.

Ia a•selni bidingo SCPCR-ni Chairperson, a•sel ong•anio dongpagipa bi•sarang aro me•chik skigiparangkoba sing•sandiangahachim.