Shillong, Aug 25: Mija Bristibar salo East Jaintia Hills a·jao police aro manderangni gisepo golmal ong·anggipao TopCem cement company-o kamko ka·enggipa sakgni gipin jatrangni ua somoio jingjengatgiparangni kosako bilrangko jakkalna police dolko ding·chaoatanio jak dongpaani gimin TopCem cement company-o kamko ka·enggipa Lumshnong songni manderang, Topcem Employees Association (TEA)ni bimango, Khasi Students’ Union (KSU), Narpuh Circle baksa nangrime, Sukrobar salo uamang sakgnikon kamoniko ra·galchina dabiangaha.
Topcem cement -ko bikotaniko baridapatna gita a·dokni pollution control board-ni mija Bristibar salo Lumshnong songo public hearing-ko ong·atangani somoio, karkanao cement bikotaniko bariatani kosako chakatenggipa songni manderangni hearing-ko ong·atchakgipa biapko chadrapani ja·man East Jaintia Hills police, manderangko katbildangatna gita adita rong mikchini gasrangko goan baksana rebetrangchiba manderangko dokna nangao ga·akahachim ine nikatna gita man·gen.
Company-o kamko ka·enggipa songni manderang aro KSU-ni janapatani gitade, Bristibar salni bako jegale jingjengatgiparangni kosako bilrangko jakkalna gita police dolko ding·chaoatanio ua sakgni gipin jatrang jak donga ine uamang matnangaha. Indake ong·engon, iamang sakgniko kamoniko ra·galchina gita TEA, konta 24 somoirangko company management-na on·angaha.
Iakoba poraie nina man·gen: Reservation Policy-ko nipilna Madhya Pradesh HC-ni gitcham Judge-ko Expert Committee-ni chairman songa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
