Shillong, Aug 25: Meghalaya a•dokni Reservation Policy-ko nipilna gita a•dok sorkari, Madhya Pradesh High Court-ni gitcham Judge, Justice (Retired) Mool Chand Garg-ko Expert Committee-ni chairman songaha.

Ia Expert Committee-na songgipa membor sakbongani bimingko Sukrobar salo, a•dokni Chief Minister Conrad K Sangma-ni dilanichi Cabinet ra•chakangaha.

Allahabad High Court-ni gitcham Judge Justice (Retd) Dr Satish Chandra-koba ia committee-ko expert member in Constitution Law dake songaha. Justice Chandra-ra Customs, Excise aro Service Tax Appellate Tribunal-ni gitcham president-ba ong•achim.

Ia expert committee-ni gipin sakgittam membor-rangara, NEHU Shillong-ni ning•o donggipa Sociology Department-ni Prof DV Kumar, Indian Institute of Population Sciences, Mumbai-ni ning•o donggipa Fertility & Social Demography Department-ni Prof Chander Shekhar aro IIM Shillong-ni ning•o donggipa Economics & Public Policy-ni Assistant Professor Subhadip Mukherjee ong•a.

A•dokni Cabinet Minister Ampareen Lyngdoh-ni parakatani gitade, ia expert committee-ni mongsonggipa daitoranga, da•o dongenggipa reservation policy-ko poraienba, nanggenchimode taridapna nanganirangko ku•pattie on•na, a•doko songdongenggipa aro dingtang dingtang dolrang baksa agangrikna gita a•dokni dingtang dingtang biaprangko grongeanian ong•gen.

Ia expert committee-ko ja 12-ni gisepon a•dok sorkarina report-ko on•china gita ge•etmanaha ineba Lyngdoh parakataha.

Iakoba poraie nina man·gen: W’nagar-o Students Science Seminar-ko ong·ata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub