Tura, July 28: Garo Hills-o ong•enggipa obostarangni bidingo jinma chanchirimna gita dingtang dingtang NGO-rang, jinma tom•bimonganiko ong•atenga ine social media-rango jangbingbangataniko West Garo Hills a•jani Deputy Commissioner Jagdish Chelani jegalatenba, darang NGO-rangba tom•anirangko ong•atna gita u•iata dongja ine talataniko on•ataha.
Da•ororo Garo Hills-o ong•enggipa obostani bidingo dingtang dingtang dolrang, apsan chanchirimna gita Tura-ni Te•teng A•jao (College Field)-o tom•aniko ong•atenga ine social media-o tol•e jangbingbangataniko niksona man•ahani gimin West Garo Hills a•jani Deputy Commissioner, iani bidingo talataniko on•ataha.
Iandake tol•e jangbingbangatanirangko bebera•jachina manderangko didiatengon, iandake tol•e jangbingbangatenggipa manderangni kosako rakgipa ja•kurangko de•na ua mikrakataniko on•ataha.
Da•o dipet darang dolrangan iandakgipa jinma tom•bimonganirangko ong•atna manchia dongja ine talataniko on•angengon, banoba niam gri iandake jinma tom•anirangko ong•atgenchimode dakdilgiparangni kosako rakgipa ja•kurangko de•anggen ine Deputy Commissioner mikrakataniko on•ataha.
Iakoba poraie nina man·gen: M’laya-o Jackfruit Mission-ko ra•dodapna sorkari miksongenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
