Shillong, July 28: Adita salrangna skang Tura jillao so•sojengjeng ong•atanina dos donggipa manderangko rim•engon, sakkirango pangchakesa dos donggipa manderangni kosako ja•kurangko de•enga ine Sukrobar salo, Meghalaya a•dokni Chief Minister Conrad K Sangma talataniko on•angaha.

Tura-ko Winter Capital songchina aro Reservation Roster-ko backlog policy-o ra•gatchina dabienggipa bidingo uni dingtang dingtang dolrang baksa tom•e agangrikengmiting somoio mitam manderangni rang•san ro•ongrangko goe chadrapanio politics-ni gita jak dongama dongja, uni giminde Sangma, mamingkoba aganskajaha.

Ia so•sojengjeng ong•anina an•tangni suk ong•gijaniko parakatengon, dingtang dingtang dolrangni dabienggipa kamrangni bidingo nama bewalo agangrikna gitasa ua NGO-rangni nangnikani gitan Mini Secretariat-ona re•angahachim indiba ua somoio ong•nanggija a•sel ong•aha ine Sangma parakatenba, ia so•sojengjeng ong•anina sakkirango pangchakesa dos dakgipa manderangko rim•enga ine talataniko on•angaha.

Ia a•sel ong•aniko ua political dolni gita re•jawa indiba sakkirango pangchakesa ja•kurangko de•gen ineba Chief Minister parakattaiaha.

Chief Minister-ni parakatani gitade, ia so•sojengjeng ong•atanio dongpagipa manderangara doltangtangoni ong•ja ine ua somoio NGO-rangba paraktokahachim.

Manderangni so•sojengjeng ong•atengmiting somoirango bilrangko agre jakkaljachina ua police-rangna ge•etaniko on•aha ineba Sangma parakataha.

Ua biapo police-rangko ro•ongrangchi goe chadrapani gimin aro saknaa man•gipa police-rangko salangenggipa ambulance-ko kragija dake so•chipahani giminba ua suk ong•gijaniko parakataha.

Iakoba poraie nina man·gen: Social Welfare minister, nachil knabregijagipa manderangna nachilo teke knaani bosturangko indin suale on·anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub