Agartala, May 17: Da•o dipet India a•song gimikon Lok Sabha election-na Model Code of Conduct (MCC)-ni ning•o ong•kuengoba Tripura a•doko Citizenship Amendment Act (CAA)-ko ra•gatna gita kamrangko a•bachengatengahani gimin Opposition dolrang, Chief Minister Manik Saha-chi dilenggipa Tripura sorkariko matnangtokaha.
Tripura-o CAA-na man•sogimin dorgastorangko tarina gita Tripura sorkari, committee-rangko aro official-rangko songchina gita pilak district magistrate-rangna ge•etaniko on•manahachim.
Iana Tripura sorkariko matnangatengon, a•bachengonin Tripura a•dokko man•chape salgro salaramni pilak a•dokrangan CAA-ko raken jegaltokahachim indiba BJP sorkari, salgro salaram jolrango songdongenggipa manderangni nangnikanirangko knachakgija CAA-ko ra•gatdraaha aro da•o ia niamchi Bangladesh aro Pakistan a•songrangoni katnapgipa manderangko a•songo songdongkamna on•engahani gimin Tripura gita dakgipa a•dokrangode neng•nikanirangko man•batgnok ine Congress MLA Sudip Roy Barman parakataha.
Skangonin niam gri napsrukbaenggipa manderangni a•sel salgro salaram a•dokrango songdongenggipa Tribal manderang neng•nikanirangko man•na nangengaha aro da•o CAA-ko ra•gatahani gimin obostarang namjabatgnok ine CPIM-ni state secretary aro Opposition dolni dilgipa Jitendra Choudhury aganskaaha.
Indake ong•engon, MCC-ni somoio CAA-ko ra•gatenga ine Opposition dolrangni matnanganiko Tripura a•dokni Chief Minister Manik Saha jegalatskaenba, ma•mong sorkarionin ge•etaniko on•ahani giminsa Tripura-o CAA-ni kamrangko a•bachengataha ine parakataha.
Na·simang ia video-koba nina man·gen:
Na·simang iakoba poraina man·gen: Rongram-o sorkarini Bolero gari, neng•takate donenggipa Alto gario su•gakea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
