Shillong, August 25: Meghalaya a·dokko man·ani bilsi 50 gapaniko maniani bak gita, August 25 tariko, Shillong College-ni Khasi Department, John F Kharsiing aro Dr. Bodhi S Ranee-ni setaigipa kitap “The Khasi States- A Brief Historical Timeline 1771-2017” ingipa oprake on·angaha.

John F Kharsiing-ni minggipin kitap “The Federation of Khasi States: History, Epistemology and Politics’ ingipa jekon bilsi 2019-o oprake on·ahachim uakoba gnigipa changna chappa ka·taigipako oprake on·angaha.

Shillong College-ni Principal E Kharkongor, oprake on·enggipa kitapni gimin aganengon, ian 1771 bilsioni Khasi Hynniewtrep songsalni bidingo am·rikote segipa kitap ong·ani gimin namen gamchatbegipa kitaprangoni kingsa ong·a, unigimin ua chatro chatrirangkoba kitapko che·em poraie gitcham chasongni serikgiminrangko ma·sie ra·chinaba didianiko on·angaha.