Shillong, Oct 27: Ri Bhoi a•jao Jorabat-oni Umiam-ona dakanggipa ramako taridapchina Khasi Students Union (KSU) North Khasi Hills District unit dabiangani ja•man Sombar salo ia ramako, National Highways Authority of India (NHAI) aro District Administration-ni official-rang, songni dilgiparang aro KSU-ni membor-rang baksa niangaha.
2016 bilsioba ia ramako taridapchina gita KSU, a•dok sorkario dabiangahachim aro da•oba changsataie, ia ramani bidingo KSU-ni dilgiparang, Ri Bhoi a•jani Deputy Commissioner aro NHAI-na sedoattaiahani gimin Sombar salo, District Administration aro NHAI-ni official-rang, songni dilgiparang aro KSU-ni membor-rang baksa ia ramako tarina gita nina re•angaha.
Ia ramao, damsni overbridge-ko tarichina, street light-rangko chu•onga gita donchina, wachini somoirango chirang ditdojana gita nalarangko tarichina, manderang rama batsotna gita zebra crossing-rangko tarichina aro ramarango rumble strip-rangko tarichina gita KSU dabiangaha.
Ia ramako niangani ja•man, October 31 tarikni gisepon report-ko on•na gita NHAI-ni official-rang ku•rachakaniko on•angaha.
Ia ramako niangani ja•man kobor ra•timgipa manderang baksa agangrikengon, ia ramako tarina gita NHAI-ni official-rang ku•rachakaniko on•ahani gimin KSU North Khasi Hills District unit-ni president Ferdynald Kharkamni, kusi ong•aniko parakataha.
Na·simang iakoba nina man·gen:
Na·simang iakoba poraina man·gen: M’laya Bodybuilding Championship-o Tura-ni Shano Chelsy chetaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
