Ri-Bhoi, May 3: 2025 bilsini May 3 tariko Jowai-ni Kiang Nangbah Government College-o, Meghalaya a·dokoni jakgitelanina krengdilgipa U Kiang Nangbah-ko gisik ra·e mande ra·na gita dingtangmancha tom·bimonganiko ong·atangaha.
Ia tom·bimonganiko ong·atanio, Kiang Nangbah-ko gisik ra·na tarie on·gimin Monument-ko Permanent Pictorial Cancellation ba jachipchang aro tarik baksa tarigimin stamp aro Special Cover ba U Kiang Nangbah-ni golpoko kan·dike segimin postcard ba ki·tap chongipako Jowai-ni MLA, Wailadmiki Shylla, JHADC-ni CRM, Thombor Shiwat, Shillong, North East Circle-ni Postal Director, K.V. L. N Murty, Kiang Nangbah College-ni Principal, Elaka Jowai-ni Dolloi aro gipin official-rangni dongpaanio jinmana oprake on·angaha.
Wailadmiki Shylla, Pnar jatoni jakgitelanina krengdilgipako gisik ra·anina India Post-ko mitelangan baksana ian Meghalaya a·dok aro Jaintia Hills-na rasong chabeani sal ong·a ineba aganangaha.
Post-ni a·gipibatgipa Superintendent, Anjali Verma, Special Cover-ara U Kiang Nangbah-ni gimin kan·dike talate segimin golpo ong·a aro Pictorial Cancellation-ara, Jowai-ni Syntu Ksiar-o donggipa uni jachipchangko man·chapa ine talate on·angaha. Ia oprake on·gimin ge·gni bosturangkon Shillong-ni GPO-o man·gen.
Na·simang ia video-koba nina man·gen:
Na·simang iakoba poraina man·gen: Donbosco College-o ong·atanggipa Synergy 2025 nambee matchotanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
