Shillong, Sept 27: West Jaintia Hills a•jao jabol galchakani biap dongkujae jolo songdongenggipa manderangsan ong•aigija kamko ka•enggipa manderangba neng•nikanirangko chagrongna nangtokengon, iani bidingo manderangni jegalanirangko dakani ja•man Municipal Department-ni gita Expression of Interest (EOI)-na okamaha aro bakan jabolrangko galchakna gita biaprangko man•gnok ine Sombar salo, Jowai-ni MLA Wailadmiki Shylla parakataha.
Shylla-ni parakatani gitade, iana EOI-ko okamani ja•man bang•a dolrangan EOI-na re•batokengaha aro iana lekkarangko nipilengaha.
Lekkarangko niani matchotahaon, uamang Task Force Team-ko a•a nina watate a•ako bregnok ine Jowai MLA parakataha.
West Jaintia Hills a•jao jabol galchakgipa biaprang dongjaengani a•selan Jowai aro gipin biaprangoba manderang neng•nikanirangko man•tokengahachim aro Mynkjai-o jabol galaniko song 5 ba song 6-ni manderang jegalgrimani ja•man, neng•nikanirang batangahachim.
