Jowai, June 13: Waheh Shnong aro Jaintia Students Union dolrangni didiani aro jegalanio pangchake, Jowaini Mynthongo rikenggipa District Auditorium aro Museumko Arts and Culture minister Sanbor Shulai Sombar salo nina re•angaha.
“Adita salrangna skangmangmangsan Dorbar Shnong aro Jaintia Student Union ni dilgiparang ia nokni bidingo angna videorangko ka•e ra•angenba ia mesokeaha. Ia nokko rikani namen namjabea, krongrang, beams rang be•sretokengaha. Nokni obosta namen namjabea” ine minister Sanbor Shulai aganaha.
Iani gimin a•dok sorkari Delhi BJPni Technical dolrangko Shillongona re•bae iako niechina mol•molna nangchongmotgen.Iani gimin Monitoring committeeko songe, DPR ge•sako nirokna man• a gita kam ka•na man•gen, aro uamangan kamko nirokjringnaba man•gen ineba minister aganaha. Ia rikenggipa nokko pe•gale gital rikpiltaiani ong•engaha. Iani bidingo G+ 5 gital nokna niamo pangchake dorgastoko on•a man•gen. Iako Delhioni nina re•bagiparangni kam ka•a ja•man G+5 nokna dingtangmancha projectko watattaina man•gen ineba minister janapaha. Ia nokko rikanina anga dingtangmancha dolko seoke mikkang jaonin kam ka•gnok. Iako rikani korosrangde DPR o pangchaken jeon kror 100 na baten tangkarang gnang ine ua kobor ra•timgiparangna aganaha.
