Shillong, June 13: Coordination Committee of Registered MeECL Association and Union dolrang, uamangni neng•nikenggipa kamrangni bidingo agangrikna ine power minister Prestone Tynsongko sombar salo grongaha Uamangni adita neng•nikanirang jekai contractualo ka•enggiparangko pangkamgipa sorkarini kamo rakkiatna, sorkarioniko man•a nangenggipa adita tangkarang aro uandakgipa gipin dal•a nangchongmotgiparangni bidingo agangrikaha ine CCORMAU ni padot PK Shullet kobor ra•timgiparangna aganaha.
Sorkarioniko man•a nangenggipa tangka gong 840 krorko 2010 bilsioni on•gija donkuaenga. MeECL -o bang•a biaprangan bangbang ong•kuaenga. Uarango kolgapatna nangengiparang bang•engpiti. Technician, Engineers asst. Engineer aro uandake adita chonchongipa kamrang indin bangbang dongkuaenga. Iarangko ta•raken kam ka•na nangengjokchim ine Shullet agandapaha.Sak 1700 baten MeCL o contractual biapo kam ka•enggiparang gnang. Uamangoni mitamrangde bilsi 20 skang na baten kam ka•giparang donga, uamangni japrakni dormaha hajal chikkingoni hajal chi•bongarangonsan man•tokpaenga. Iarangko niroke kam ka•atna a•dokni power minister ka•dongatani kattarngko agane kam ka•na ku•chakangaha ine Shullet aganaha.
