Imphal, Sept 22: FGI college of Agriculture sciences, Manipur-ni Kangpokpi-o FGI-CAS 2024-ni ICAR JRF-o nambatsranggipa gadangko man•e chu•sokaniko man•giparangna dal•bea tom•bimonganiko ong•atenba mande ra•pilskaaniko dakangaha.
2019 bilsio ia FGI college of Agriculture sciences-ko a•bachengata intalan, Salgro Salaram jolo songdongenggipa pilak manderangnan namgipa lekka poraniko on•baenga.
India a•songni kona noksikbatgipa biapo ong•an baksana Manipur a•doko indita so•so jengjeng ong•genchimoba, ia college-ko name chalaina gita man•enba, private college-rangoni ian skanggipa JRF porikka seanio chu•sokgipa ong•e, India a•songo tribal category-o skanggipa aro 2-gipa gadangko man•e chu•sokaniko man•aha. Indake da•alo uamang FGI-CAS 2024 bilsini ICAR JRF-o nambatsranggipa gadangko man•e chu•sokaniko man•gipa chatro chatrirangna mande ra•pilskaaniko dakanganiara ia college-ko a•bachengataoni una kusi ong•batgipa salba ong•aha, inenba FGI college of Agriculture sciences-ni Chairman, Haokholet Kipgen an•tangni kusi ong•aniko parakataha.
Manipur a•dokni obostarangko niatgenchim ong•ode ian namen chanchisokgijani ong•a. Ia college-ko a•bachengdilgipa ong•an baksana chairman ong•enba ua bang•a neng•nikanirangko chagrongna gita nanggenchimoba ua da•alo pilakon gualna gita man•aha ine aganengon, college-o campus interview-rangko ra•na gitaba uamang adita company-rang baksa agan-golpogrikanirangko dakman•ahachim, indiba a•doko so•so jengjeng ong•engani a•sel darangba Manipur a•dokona re•bana gita gongjaenga ine aganenba, so•so jengjeng ong•anirang matchotahaode, campus interview-rangkoba ong•atna gita man•gnok inenba, College-ni Chairman aro Saitu AC Constituency-ni MLA Haokholet Kipgen jinmana parakataha.
Na·simang ia video-koba nina man·gen:
Na·simang iakoba poraina man·gen: Dingtang dingtang Naga dolrang, SC-ni on•gimin rai-na suk ong•gijaniko parakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
Download our app from playstore – Northeast Media Hub
