Shillong, Oct 9: A·dokni saksa Justice Pa Ranjit Vasantrao More-ko mija Sonibar salo Meghalaya High Court-ni Chief Justice-ni kamona ra·doataha.

Meghalaya High Court-o uni dangdike on·enggipa justice-ni kamko ra·doatna gita Sonibar salo ge·etaniko on·anggipao India sorkarini, Additional Secretary Pa Rajinder Kashyap soi ka·angaha.

Justice More, da·omitingde Meghalaya High Court-ni justice ong·esa dangdike ong·engachim aro Chief Justice-ni kamkora Justice Biswanath Somadder jako ra·skaengachim.