Shillong, July 3: Shillong-ni Harijan colony-o songdongkamgipa Punjabi nokdangrangko gipin biapchi apjitatna kamrangko ka·enggipani mamlao, Meghalaya High Court baksana a·dok sorkariko kal·ake roanina a·dokni kachari Sombar salo, Harijan Panchayat Committee (HPC)-ko matnange aganangaha.

Harijan Colony-ni manderangko biap gipinona jitatani mamlako bench-ni sakgni judge-rang Chief Justice Sanjib Banerjee aro Justice W Diengdoh, Sombar salo kachario knatimanganio, batanggimin adita salrangna skang sorkarini chanchirime ra·bagipa blueprint-ko adita namdapatchina gita agane ra·chakmikenba uni ja·mano kacharini kosako iani bidingo ong·gija ma·sisretaha ine agantaipilaniara a·dok sorkariko aro kachariko Harijan Panchayat Committee (HPC)-ni kal·ake roani gita ong·enga ine aganangaha.

Indqke ong·engon, ia mamlako gong·raken matchotatna kamrangko ka·china gita kachari hukumko on·anga baksana ia mamlani bidingo ja·kuko de·atani gimin changgipino mamlako knatimtaiani salo, chong·motan re·baenggipa July 18 tarikni gisepon report-ko on·china gita a·dok sorkariko hukum on·angaha.

Iakoba poraie nina man·gen: Drugs jakkalaniko champengchina KSU didia

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub