Shillong, Sep 2: Meghalaya a•dokko re•mikkangdilanio ka•dongani aro kakket ong•e kam ka•anian National People’s Party (NPP)-ni gun ong•a ine Sombar salo, NPP-ni national president aro Meghalaya a•dokni Chief Minister Conrad K Sangma, Lok Sabha-ni gitcham Speaker Purno A Sangma sagini chang 77-gipa atchiani salko maniani bak gita NPP-ni chang 12-gipa Foundation Day-ko Shillong songjinmao manianio jinmana parakataha.
Negativity ba ong•gija chanchianiko ua an•tangde chakna man•ja ine janapatengon, songsalko bak dakanio bebera•gipa dingtang dingtang dolrangko aro manderangkoba apsan ku•mong nangrime kam ka•china Sangma didiataha.
Ong•gija chanchianichide maming dakeba songsalko namao rikna man•jawa ine janapatskaengon, ong•gija chanchianichide songsalna aro a•dokna nisianikosa ra•baaigen ine Sangma, iani giminsa NPP-de namgipa chanchiani aro namgipa politics-o bebera•gipa dol ong•a ine talataniko on•angaha.
An•tangni pagipa PA Sangma sagini skianirangko gisik ra•atpilengon, saksa sakgipinna dakchakna skani aro manderangna dangdike on•na skani dongchina gita uko pangnan uni pagipa didirongachim aro uni a•selsa da•alo ua Meghalaya a•dokko dilna man•enga ine Conrad aganaha.
NPP-ni foundation day-ko manianian a•dokna aro a•dokni manderangna dangdike on•na skaniko NPP-ni membor sakantion ong•katatchina ineba ua aganaha.
Dilgipa ong•anio bamgipa ong•china gita ku•pattianiko on•angskaengon, politics-o jegitaba chugipa gadangona sokangchina pangnan an•tangtangna dakchakgipa manderangko gualna gita nangja ine NPP-ni national president aro a•dokni Chief Minister aganaha.
Ia tom•anio, NPP-ni state president aro a•dokni Deputy Chief Minister Prestone Tynsong, Deputy CM Sniawbhalang Dhar aro NPP-ni dingtang dingtang dilgiparangba bak ra•angtokaha.
Na·simang ia video-koba nina man·gen:
Na·simang iakoba poraina man·gen: Tura-ni skulrango Dental camp-rangko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
