Shillong, Jan 30: Churangoniko kajina gilanio maini a•sel kajinarang joke katenga aro baditana kingking kajinarangko man•enga, uko ma•sie ra•na gita a•dok sorkari, gital kolrangko jakkalna (computerize ka•na) miksongenga ine Mongolbar salo, Meghalaya a•dokni Revenue Minister Kyrmen Shylla parakataha.

A•doko kajina gilaniko bariatna gita Revenue department, cholrangko nienga ine janapatengon, kajina gilaniko computerize ka•anichi ba gital kolrangko jakkalanichi, kajinarangni joke kataniko ma•sina dakchakanisan ong•aigija, baditana kingking kajinarangko gile man•engachim, ukoba ma•sina man•gen ine Revenue Minister parakataha.

Da•o dipet ia miksonganiko Cabinet-ona ra•angna nangkuenga ine janapatengon, gital kolrangko jakkalna tangka paisani gita dakchakanirangkoba nanggen aro ia miksongani chu•sokgenchimode kamrang altubatatako man•gnok ine Shylla aganaha.

Noktangtango tarigipa churangko legalise ka•na ba niamo ong•atna sorkarini ja•ku de•chakatgipani bidingo sing•skaon, ia ja•kuko de•anichi a•doko chu tarigipa bang•a manderangnan namgni ong•engaha ine Revenue Minister parakataha.

Iakoba poraie nina man·gen: ED, CBI, aro CID dolrang bang•a dilgiparangko BJP-o napchina gita draatenga ine Ajmal matnanga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub